رەلستەن شىعىپ كەتكەن «استانا – الماتى» پويىزىنىڭ جولاۋشىلارى شۋ ستانتسياسىنا جەتكىزىلدى, دەپ حابارلايدى "قتج" ۇق.
پويىزدا 829 ادام بولعان. اپات سالدارىنان 1 ادام قايتىس بولىپ, 3 جولاۋشى اۋرۋحاناعا جەتكىزىلدى. باسقا جولاۋشىلار شۋ ستانتسياسىنا جەتكىزىلىپ, مۇقتاج ادامادارعا مەديتسينالىق جانە پسيحولگيالىق كومەك كورسەتىلىپ, ىستىق تاماق بەرىلدى. قازىر ولاردى نەگىزىگى دىتتەگەن جەرلەرىنە جەتكىزۋ جونىندە جۇمىستار اتقارىلۋدا.
«قتج» ۇق قايتىس بولعان جولاۋشىنىڭ وتباسى مەن تۋعان-تۋىستارىنا قايعىرىپ كوڭىل ايتادى جانە جاراقات العان جولاۋشىلاردىڭ تەزىرەك جازىلۋىن تىلەيدى. قر زاڭناماسىنا سايكەس بارلىق زارداپ شەككەندەرگە قاجەتتى كومەك كورسەتىلەتىن بولادى. اتالعان جاعدايدىڭ زاردابىن جويۋ ءۇشىن شۋ, سارىشاعان ستانتسيالارىنان شىققان جولدى قالىپقا كەلتىرەتىن ارنايى پويىزدار جۇمىس اتقارۋدا.
ينۆەستيتسيا جانە دامۋ مينيسترلىگى ترانسپورت كوميتەتىنىڭ جانىنان قۇرىلعان ارنايى كوميسسيا تەكسەرۋ جۇمىستارىن اياقتاعان سوڭ اپاتتىڭ ناقتى سەبەبىن جاريالايتىن بولادى.